Aikyn.KZ парақшасындағы ақпаратқа сәйкес, Qazaq24.com хабар таратты..
Словакиялық маман Штефан Таркович «Ақтөбе» футбол клубының бас бапкері қызметіне тағайындалуы мүмкін, – деп хабарлайды Aikyn.kz сайты.
Клуб басшылығы Словакия футбол федерациясымен келіссөз жүргізіп, Тарковичті техникалық директор қызметінен босату мәселесін реттеген.
53 жастағы бапкер сенбі күні Астанаға екі көмекшісімен келеді. Олардың қатарында талдаушы-жаттықтырушы және дене дайындығы бойынша маман бар. Бастапқы кезеңде олар «қызыл-ақтармен» бірге жұмыс істейді.
Ш. Тарковичпен келісімшарт «1+1» жүйесі бойынша жасалады: команда ел чемпионы атанса, келісім автоматты түрде тағы бір жылға ұзартылады.
Айта кетейік, 2026 жылғы Қазақстан Премьер-лигасының алғашқы үш турында «Ақтөбе» командасы тек үш ұпай жинаған.