Sputnik.KZ парақшасынан алынған деректерге сүйене отырып, Qazaq24.com хабарлама жасады..
АСТАНА, 2 тамыз – Sputnik. Айдарбек Сапаров Солтүстік Қазақстан облысында астық жинау науқанына дайындық барысымен танысты, деп хабарлады ауыл шаруашылығы министрлігі.
Солтүстік Қазақстан облысы еліміздің жетекші аграрлық өңірлерінің бірі әрі астық өндіретін негізгі өңір саналады. Өңірде екінші жыл қатарынан майлы дақылдардың егіс көлемі ұлғайып келеді.
Биыл 1,3 млн гектарға жетіп, республика бойынша ең жоғары көрсеткішке қол жеткізді.
"Күздік дақылдарды жинау жалғасып жатыр. Өткен жылмен салыстырғанда егіс көлемі төрт есеге ұлғайып, 11,4 мың гектарға жетті. Қазіргі уақытта 7,2 мың гектар немесе жалпы егіс алқабының 64 пайызы жиналды. Сонымен қатар диқандар жасымық, асбұршақ, бидай, арпа және сұлы сияқты жаздық дақылдарды жинауға кірісті", - деп жазылған хабарламада.
Өңірде астық жинау науқанын өткізуге қажетті техника толық дайын. Машина-трактор паркінің құрамында 6,6 мың астық жинайтын комбайн, оның ішінде 4 мың жоғары өнімді техника, 10,3 мың трактор, 4,3 мың жатка және басқа да ауыл шаруашылығы техникалары бар.