Qazaq24.com, Egemen.KZ дереккөзінен алынған мәліметтерге сүйене отырып ақпарат жариялайды..
Фото: Ұлттық олимпиада комитеті
Атақты спортшы қазір Ұлттық Олимпиадалық комитеттің президенті лауазымын атқарады. Оған қоса, 2025 жылдың қараша айында Головкин ресми түрде World Boxing халықаралық федерациясының басшысы болып сайланды. Ведомство басшысы Ербол Мырзабосыновтың пайымдауынша, отандасымыз әлемдік аренада үлкен тарихи нәтижеге қол жеткізді.
«Геннадий Головкин – біздің брендіміз. Халықаралық майданға алғаш рет шығып, аса танымал спорт түрін басқарған тұлға. Бұл біз үшін бұл – үлкен жетістік. Өйткені осыған дейін халықаралық ұйымдарда отандастарымыз халықаралық спорт федерацияларын басқарған емес», деді министр Үкіметтегі брифинг барысында.
Министрдің сөзінше, әлемдік тәжірибеде маманның бір мезгілде халықаралық спорт федерациясын және ұлттық олимпиадалық комитетті басқаруы қалыпты жағдай болып саналады.