Qazaq24.com, Inform.KZ дереккөзінен алынған ақпаратқа сүйене отырып жаңалық таратады..
Thai Examiner басылымының мәліметінше, елде болу мерзімін өткізіп алғаны үшін айыппұлдардан бас тарту, қонақүйде тұруға жеңілдіктер беру және бір түнге 2000 бат (шамамен 55 доллар), бір адамға ең көбі 20 мың бат (шамамен 550 доллар) төлемдер қарастырылған.
Таиланд иммиграциялық билігі әуе кеңістігінің жабылуына байланысты елден шығуға мүмкіндігі жоқ шетелдік азаматтардың елде болу мерзімін уақытша ұзартуға құқылы екенін мәлімдеді.
Визаны кез келген иммиграциялық кеңсеге өтініш беру арқылы 30 күнге дейін ұзартуға болады. Қабылданған шаралар жағдай қалпына келгенше күшінде қалады.
Таиланд Туризм және спорт министрлігінің ақпаратынша, әуе қатынасындағы үзілістер Таяу Шығыстағы жағдайдың шиеленісуімен байланысты. Салдарынан Дубай арқылы ұшатын бағыттарды алғанда жүздеген рейс тоқтатылды, бірқатар әуе компаниясы ұшу кестесін қысқартты. Елдегі төрт әуежай уақытша шектеулерге тап болды, бұл шетел азаматтарының ұшуын кешіктірген.
Туризм және спорт министрлігінің хатшысы Наттария Тавеевонг қиын жағдайда қалған туристер үшін жеңілдікпен тұруды қамтамасыз ету шараларын қабылдауды тапсырды. Қонақүйлерге уақытша қалып қойған шетелдіктер үшін арнайы тарифтер ұсыну кеңес етілген.
Еске сала кетсек, Қазақстан Республикасының Сауд Арабиясы Корольдігіндегі Төтенше және өкілетті елшісі Мадияр Меңілбеков ел азаматтарының қауіпсіздігіне қатысты егжей-тегжейлі түсінік берді. 2026 жылғы 3 наурызға қараған түні FZ1533 Дубай — Алматы (170 орын) және FZ1395 Дубай — Астана (170 орын) рейстерінің ұшуы жоспарланып отыр.
Ираннан көршілес елдер арқылы Қазақстан азаматтарын эвакуациялаудың бағыттары анықталды.Сондай-ақ Air Astana қазақстандықтарды қайтару үшін Медина мен Джеддаға рейс орындауы мүмкін екені белгілі болды.