Azh.KZ парақшасынан алынған деректерге сүйене отырып, Qazaq24.com хабарлама жасады..
Тараз қаласында прокуратура органдары 2500-ден астам азаматтың құқықтарын қорғады. Тексеру барысында еңбек және зейнетақы заңнамасының талаптары сақталмағаны анықталды.
2025 жылдың тамызынан желтоқсанына дейін «Жасыл Ел Тараз» ЖШС-нің 650 қызметкеріне 20 млн теңгеден астам міндетті зейнетақы жарналары Бірыңғай жинақтаушы зейнетақы қорына аударылмаған. Прокурорлық қадағалау актісінен кейін заң бұзушылықтар жойылып, жарналар толық төленді.
Ұқсас жағдай Тараз қаласының білім бөліміне қарасты мектепке дейінгі ұйымдарда да тіркелді. 1895 қызметкерге 283 млн теңге көлемінде зейнетақы жарналары төленбеген. Қадағалау нәтижесінде жалпы сомасы 300 млн теңге жарналар өтеліп, қызметкерлердің конституциялық құқықтары қалпына келтірілді.
Кінәлі тұлғалар әкімшілік жауапкершілікке тартылды. Прокуратура азаматтардың құқықтарын қорғауды басты бағыттарының бірі ретінде атап өтті.
Бүгін, 13:23