Aikyn.KZ дереккөзінен алынған мәліметтерге сүйене отырып, Qazaq24.com түсініктеме жасады..
Қазақстан ұлттық құрамасы мен «Қайрат» клубының қақпашысы Темірлан Анарбеков УЕФА Чемпиондар лигасының жалпы кезеңі қорытындысы бойынша үздіктер қатарына енді, – деп хабарлайды Aikyn.kz порталының тілшісі.
22 жастағы отандық футболшы сейв жасау көрсеткіші бойынша турнирдің ең үздік үш қақпашысының қатарынан көрінді. 2025 жылғы Қазақстан чемпионатының үздігі атанған Анарбеков Чемпиондар лигасы аясында грек елінің «Олимпиакос» клубына қарсы өткен ойында MVP атағын иеленіп, тарихта қалды.
УЕФА жариялаған ресми статистикаға сәйкес, Темірлан Анарбеков топтық кезеңдегі 6 матчта қарсыластардың 26 соққысын тойтарған. Бұл көрсеткіш бойынша ол марсельдік «Олимпик» клубының қақпашысы Херонимо Рульимен тең нәтиже көрсетті.
Турнирдің үздік қақпашылары рейтингісінде бірінші орынды Никита Хайкин иеленсе, екінші орынға мадридтік «Реалдың» негізгі қақпашысы Тибо Куртуа жайғасты. Ал үшінші орынды қазақстандық Темірлан Анарбеков пен Херонимо Рульи өзара бөлісті.