Qazaq24.com, Sputnik.KZ дереккөзінен алынған мәліметтерге сүйене отырып түсініктеме береді..
АЛМАТЫ, 23 қазан - Sputnik. Теміржол желісіндегі тоқтап тұрған жеке вагондар тасымалдау процесінің тиімділігін төмендетті, деп хабарлайды Қазақстан темір жолы.
Ведомствоның мәліметінше, Қазақстанда вагондардың жұмыс паркінің саны тәулігіне орта есеппен 95 мың бірлікке дейін өскен. Былтырғымен салыстырғанда, 6%-ке артық.
"Вагондардың артық саны станция жолдарында орын алуда, бұл станциялардың жұмысына теріс әсерін тигізіп, құрамдарды қабылдау мен жөнелтуді қиындатады. Тоқтап тұрған вагондар саны артқан. Салдарынан пойыздардың учаскелік қозғалыс жылдамдығы төмендеп, вагон айналымының ұлғаюына әкелуде", - дейді компания.
ҚТЖ вагондардың кідіруін азайтып, желінің өткізу қабілетін арттыру үшін жедел шаралар қабылдауға мәжбүр.
"Жүк жөнелтушілер мен жүк алушылар, станцияларды уақтылы босатып, пойыздардың тұрақты қозғалысын қамтамасыз ету үшін толыққанды шаралар қабылдауға шақырамыз", - деп хабарлайды "Қазақстан темір жолы" ҰК" АҚ баспасөз қызметі.