Aikyn.KZ парақшасынан алынған деректерге сүйене отырып, Qazaq24.com мәлімдеме жасады..
Сотталған Перизат Қайрат алдағы уақытта тергеу изоляторынан қылмыстық-атқару жүйесі мекемесіне жеткізіліп, сол жақта жұмыс істейтін болады, деп хабарлайды Аikyn.kz. Бұл туралы ішкі істер вице-министрі – ҚАЖК төрағасы Абай Қайырбеков мәлімдеді.
Айтуынша, Перизат Қайрат колонияға жеткізілгеннен кейін белгіленген карантиннен өтеді. Содан кейін мамандар оның еңбекке қабілеттілігін анықтап, сәйкес жұмыс түрін таңдайды.
– Тігін өндірісі немесе мекеме ішіндегі шаруашылық бөлігіндегі жұмыспен айналысады. Ал енді төленетін жалақысы, істеген ісіне қарай алатын болады. Ең төменгі жалақыны олар кез келген жағдайда алады, – деді ол.
Айта кетейік, шілде айында Перизат Қайрат пен оның анасы Ғайни Алашбаеваға қатысты үкім шықты. Қызы 10 жылға, анасы 7 жылға сотталды.