Тиімді қорғаныс мол өнім кепілі

Қабылданған шаралар нә­тижесінде елімізде шегірт­ке зиян­кестеріне қарсы қор­ға­ныс іс-шаралары толық аяқ­тал­ды. Кейінгі екі жылда фито­сани­тарлық қызметті кезең-ке­зеңімен жаңғырту, заманауи­ мо­ниторинг технологияларын енгізу, қорғаныс жұмысын ұйым­дастыру тәсілдерін жетіл­ді­ру нәтижесінде химиялық өң­деу жүргізілген алқап көлемі
3,1 млн гектардан 1,8 млн гек­тар­ға дейін қысқарып, 42%-ға азай­ды. Сонымен қатар ауыл ша­руашылығы дақылдарының за­қым­дануына жол берілген жоқ.

Қол жеткізілген нәтижелер зиянкестердің жаппай тара­луына ден қою тәсілінен қауіп-қатерді ерте анықтау, ошақ­тар­ды жедел оқшаулауға және фитосанитарлық тәуекел­дерді алдын алуға негізделген заманауи басқару жүйесіне көшуге мүмкіндік береді.

Биыл химиялық өңдеу жұ­мысы агротехникалық талап­тарға сәйкес оңтайлы мер­зімде 1,8 млн гектар алқапта жүр­гізілді. Барлық іс-шара Үкі­мет­тің фитосанитарлық қауіп­сіз­дікті қамтамасыз ету мен ауыл шаруашылығы алқап­тарын қорғау жөніндегі тапсырмаларын орындау шеңберінде қолға алынды.

Реформалаудың басым ба­ғыттарының бірі – өсім­дік­терді қорғау құралдарын жет­кізуден бастап, химиялық өңдеу жұмысын жүргізуге дейінгі бар­лық кезеңді қамтитын сатып алудың бірыңғай кешен­ді форматына көшу. Бұл түп­­кілікті нәтижеге жауап­кер­шілікті нақты бір мер­дігер­ге жүктеуге, қорғаныс іс-шара­ларын ұйымдастыру сапа­сын арттыруға және олардың уақ­тылы орындалуын қамтамасыз етуге мүмкіндік берді.

Сонымен бірге айтарлық­тай экономикалық нәтижеге қол жеткізілді. Биыл бюджет шығыс­тары 2 млрд теңгеге немесе 2024 жылмен салыстырған­да 25% қысқарды.

Саланы жаңғыртудың тағы бір маңызды қадамы – цифр­­лық трансформация­лау. Ауыл шаруашылығы ми­нистр­лігі нақты уақыт режі­мінде фито­санитарлық ахуал­ды қа­дағалауды, фито­сани­тар­лық зерттеу нәтижелерін цифр­лық форматта тіркеуді, зиян­кестердің таралу ошақта­рын бақы­лауды және жедел бас­­­қа­рушылық шешімдер қа­был­дауды қамтамасыз ететін FITOCENTRE геоақпараттық жүйесін әзірлеп, қолданысқа енгізді.

Сонымен қатар мате­риал­дық-техникалық база айтар­лықтай жаңартылды. Мони­торинг жүргізу мен химиялық өңдеу жұмысын орындау үшін, оның ішінде жетуі қиын аумақ­тарда пайдаланылатын 103 пилотсыз ұшу аппараты сатып алынды. Бүрку техникасының саны 427-ден 556 бірлікке дейін ұлғайтылып, қорғаныс іс-шараларын жүргізудің жедел­дігі едәуір артты.

Қабылданған шешімдер нәтижесі тиімділігін толықтай дәлелдеді. Химиялық өңдеу алаңының 42%-ға қысқаруы зиянкестердің таралу ошақта­ры ерте кезеңде анықталып, уақтылы оқшауланатынын көрсетеді. Соның нәтижесінде қорғаныс шаралары неғұрлым нысаналы жүргізіліп, шығындар азайып, мемлекеттік ресурстарды пайдалану тиімділігі артты.

Фитосанитарлық қауіп­сіздікті одан әрі нығай­ту жөніндегі жұмыс жал­ға­са­ды. Қазір шекара маңын­дағы аумақтардағы фито­сани­тарлық жағдай тұрақты. Шегіртке зиянкестерінің көшу жағдайлары тіркелген жоқ. Барлық қажетті техника шекара маңындағы аумақтарға шоғырланған және қорғаныс іс-шараларын жедел жүргізуге дайын.

Ауыл шаруашылығы ми­нистрлігі фитосанитарлық ахуалға үздіксіз мониторинг жүргізіп, жағдайды ерекше бақылауда ұстап отыр.