7kun.KZ парақшасындағы ақпаратқа сәйкес, Qazaq24.com хабар таратты..
2025 жылдың шілде-қыркүйек айлары аралығында TikTok Қазақстанда қауымдастық ережелерін бұзған 1 567 613 видеоны бұғаттады.
Компания мәліметінше, контенттің 99,7%-ы пайдаланушылардың шағымынсыз, проактивті түрде жойылған.
Өшірілген роликтердің 94,8%-ы жарияланғаннан кейін алғашқы 24 сағат ішінде алынып тасталған. Бұл әлемдік орташа көрсеткіштен жоғары. Салыстыру үшін, 2025 жылдың екінші тоқсанында елде 1,4 млн видео жойылған.
Компания дерегінше, 2025 жылдың үшінші тоқсанында әлем бойынша 200 млн-нан астам видео бұғатталған. Сонымен қатар 32 млн LIVE-трансляция қауіпсіздік талаптарын бұзғаны үшін тоқтатылған.
TikTok тікелей эфирлердегі заңбұзушылықтарға қатысты авторларға алдымен ескерту жасайтынын, ал талаптар сақталмаса, монетизация мүмкіндігі шектелетінін хабарлады. 2025 жылдың үшінші тоқсанында шектеу қойылған эфирлер саны 3,9 млн-ға жетіп, демонетизацияланған аккаунттар 2,1 млн-нан асты.