Qazaq24.com, Tengrinews.KZ дереккөзінен алынған мәліметтерге сүйене отырып ақпарат бөліседі..
Президент Қасым-Жомарт Тоқаев өте ауқатты адамдар үшін жоғарылатылған салық мөлшерлемесін енгізуді талқылауды ұсынды. Бұл туралы Мемлекет басшысы Қазақстан халқына Жолдауында мәлімдеді, деп хабарлайды Tengrinews.kz тілшісі.
"Өте ауқатты адамдар үшін жоғарылатылған мөлшерлеме енгізу мәселесін талқылайтын уақыт жетті деп санаймын", - деді Президент.
Ол бұл мәселе азаматтардың ел дамуына қосатын әділ үлесіне қатысты екенін атап өтті. Үкімет пен Құрылтай бұл мәселені зерделеп, тиісті ұсыныстар енгізуі тиіс.
"Салық салудың әділдігі ашықтықты, яғни жаппай цифрландыруды талап етеді. Салық жиналымын арттыру және көлеңкелі экономиканы қысқарту үшін озық технологияларды, соның ішінде жасанды интеллектіні пайдалану қажет", - деді Тоқаев.
Еске сала кетейік, 2026 жылдан бастап Қазақстанда жеке табыс салығының прогрессивті шкаласы қолданылады: жылына 36 миллион теңгеге дейінгі табысқа 10 пайыз мөлшерлемемен салық салынады, ал одан асқан сомаға 15 пайыздық мөлшерлеме қолданылады.
Президент ұсынған ірі дәулет иелеріне арналған жоғарылатылған мөлшерлеменің параметрлері әзірге нақтыланған жоқ. Толығырақ осы материалдан оқуға болады.
Бұған дейін Тоқаев Салық кодексіне өзгерістер енгізуді тапсырып, оның "қасиетті жазба" емес екенін мәлімдеді. Президент заңнамадағы қайшылықтарды жойып, кәсіпкерлерге түсетін артық жүктемені азайту қажеттігін атап өтті.
Бізді Google-дың негізгі дереккөздер тізіміне қосыңыз
Қосу