Qazaq24.com, Tengrinews.KZ дереккөзінен алынған мәліметтерге сүйене отырып ақпарат бөліседі..
Тоқаев пен Путинге тікелей эфирде Қазақстан мен Ресейдің бірқатар сауда-экономикалық жобалары таныстырылды, деп хабарлайды Tengrinews.kz Ақордаға сілтеме жасап.
Тоқаев пен Путинге тікелей эфирде Қазақстан мен Ресейдің бірқатар сауда-экономикалық жобалары таныстырылды, деп хабарлайды Tengrinews.kz Ақордаға сілтеме жасап.
Қазақстан мен Ресей президенттеріне өнеркәсіптік кооперация саласындағы бірлескен жобалар көрсетілді.
Бүгінде елімізде 3,5 мың бірлескен кәсіпорын және ресейлік капиталдың қатысуымен 17 мыңнан астам компания жұмыс істейді.
Қазақстан мен Ресейдің өнеркәсіптік кооперация портфелі жалпы құны 52,7 миллиард долларды құрайтын 177 бірлескен жобаны қамтиды, бұл 60 мыңнан астам жұмыс орнын қамтамасыз етеді.
"Жобалар металлургия, мұнай химиясы және машина жасау салаларында табысты жүзеге асырылуда. Атап айтқанда, Павлодар облысында теміржол саласындағы бағыттама бұрмаларын және тұтас илектелген дөңгелектер өндіруге арналған кәсіпорын жұмыс істеп тұр. Ең ірі жобалардың бірі – Атырау облысындағы полипропилен өндірісі", - деп атап өтті Ақорда баспасөз қызметі.
Қарағанды облысында бірлескен шина зауыты іске қосылды, Қостанай облысында шойын құю әдісімен жүк көліктерінің компоненттерін шығару жобасы жүзеге асырылды.
Қазіргі уақытта химия өнеркәсібі, құрылыс материалдарының өндірісі және шикізатты терең өңдеуді дамыту салаларында құны 10 миллиард доллар болатын 24 жоба іске асырылу сатысында. Оларды іске қосу 11 мың жаңа жұмыс орнын ашуға мүмкіндік береді.
Сондай-ақ Қазақстан мен Ресей басшыларына Астана – Мәскеу бағыты бойынша пилотсыз жүк автомаршрутының іске қосылуы көрсетілді.
Екі елдің Көлік министрліктері "КамАЗ" ЖАҚ-пен бірлесіп жүк автокөліктерінің пилотсыз жүруін сәтті іске қосты. Жүк көліктері Қазақстан-Ресей шекарасын "Жаңажол" өткізу пункті арқылы бір мезгілде кесіп өтіп, межелі пункттеріне қарай қозғалысын жалғастырды.
"Жүргізушісіз жүк автокөлік құралдары әлемде алғаш рет осындай форматта үш мың шақырымға жуық қашықтықты екі тәулікте жүріп өтіп, сапар уақытын екі есе қысқартты. Жаңа технологияларды қолданудың арқасында бұл бағыт екі тәулік ішінде еңсерілді. Әріптестікті тереңдету мақсатында тараптар жобаны одан әрі дамытатын институционалдық база мен қажетті инфрақұрылым қалыптастыру жұмыстарын жалғастыра береді", - делінген Ақорда хабарламасында.
Айта кетейік, 27 мамырда Астанаға Ресей президенті Владимир Путин келді. 28 мамырда Қазақстан мен Ресей президенттерінің келіссөздері өтті.
Google News арқылы жаңалықтарымызды қадағалаңыз
Жазылу