Qazaq24.com, Sputnik.KZ дереккөзінен алынған ақпаратқа сүйене отырып жаңалық таратады..
АСТАНА, 22 маусым - Sputnik. Мемлекет басшысы Қатар Әміріне көңіл айту жеделхатын жолдады, деп хабарлайды Ақорда.
Қасым-Жомарт Тоқаев Рас-Лаффан өнеркәсіптік орталығында болған қайғылы оқиғаға байланысты Қатар Әмірі шейх Тәмим бен Хамад Әл Тәниге көңіл айтты.
Оқиға салдарынан көптеген адам жарақат алған. Із-түзсіз жоғалып кеткендер де бар.
"Осындай қиын сәтте Қатарға тілектеспіз және адамдарды іздестіру-құтқару жұмыстарына қолдау білдіреміз. Қазақстан қажет болған жағдайда көмек көрсетуге дайын, – делінген жеделхатта.
Айта кетейік, Катардағы Рас-Лаффан индустриялық аймағындағы QatarEnergy мемлекеттік компаниясының жобасы Барзан газ нысанында күшті жарылыс пен өрт болды. Оқиға өндірісті іске қосу кезінде орын алған. 13 адам қаза тауып, 60-тан астам адам жараланды. Із-түзсіз жоғалғандарды іздеу жұмыстары жүргізіліп жатыр.