Qazaq24.com, Tengrinews.KZ дереккөзінен алынған ақпаратқа сүйене отырып жаңалық таратты..
Президент Қасым-Жомарт Тоқаев Самарқандта өткен Дүниежүзілік шахмат олимпиадасында құрметті екінші орын иеленген қазақстандық шахматшыларды құттықтады. Бұл туралы Президенттің кеңесшісі – баспасөз хатшысы Айбек Смадияров хабарлады, деп хабарлайды Tengrinews.kz.
Смадияровтың Telegram-арнасындағы ақпаратқа сүйенсек, Президент өз құттықтауында танымал шахматшы Бибісара Асаубаева бастаған Қазақстан құрамасы осы беделді турнирде бірде-бір рет жеңілмегенін атап өтті. Мұны шахмат сарапшылары үлкен жетістік ретінде бағалаған.
"Қасым-Жомарт Тоқаев біздің шахмат шеберлері өткен олимпиададағы табысты жолын жалғастырғанына назар аударды. Қазақстан командасы сол кезде де екінші орынға табан тіреген еді. Бұл спортшыларымыздың деңгейі биік, талантты, еңбекқор екенін, сондай-ақ отаншылдықты нақты іспен дәлелдей алатынын көрсетеді", - деп жазды Смадияров.
Мемлекет басшысы қазақстандық шахматшыларға толайым табыс, зор денсаулық және бақ-береке тіледі.
Еске сала кетейік, Қазақстан әйелдер құрамасы шахмат олимпиадасының күміс жүлдесін иеленді. Ол 16-27 қыркүйек аралығында Самарқандта (Өзбекстан) өтті. Әйелдер арасындағы турнирде Қытай жеңімпаз атанды.
Бізді Google-дың негізгі дереккөздер тізіміне қосыңыз
Қосу