Qazaq24.com, Sputnik.KZ дереккөзінен алынған ақпаратқа сүйене отырып жаңалық таратты..
АСТАНА, 16 маусым - Sputnik. Қасым-Жомарт Тоқаев Түркі мемлекеттері ұйымына мүше елдердің Жоғарғы сот төрағаларымен кездесті, деп хабарлады Ақорда.
Президент ұйымға мүше мемлекеттердің сот және құқық қорғау саласындағы ықпалдастығы күшейіп келе жатқанын айтты.
© Photo : Пресс-служба президента КазахстанаОсы бағытта біз де күш-жігер біріктіріп, жұмыла әрекет етуіміз керек
Осы бағытта біз де күш-жігер біріктіріп, жұмыла әрекет етуіміз керек
© Photo : Пресс-служба президента Казахстана
"Ертең Түркістан төрінде өтетін алқалы жиын соның айқын көрінісі болмақ. Әрбір өркениетті елдің өсіп-өркендеуі үшін сот жүйесінің маңызы зор. Сондықтан жоғарғы соттар арасындағы өзара тығыз байланысты тереңдету бауырлас елдеріміздің ортақ мүддесіне толық сай келеді", – деді Қасым-Жомарт Тоқаев.
Мемлекет басшысы қазір көптеген елдер жаһандық технологиялық өзгерістер көшінен қалып қоймау үшін заман талабына қарай қарқынды даму жолына түсіп жатқанына назар аударды.
"Осы бағытта біз де күш-жігер біріктіріп, жұмыла әрекет етуіміз керек. Ертең Түркістанда өтетін конференцияда сот саласын цифрландыру мәселесі жан-жақты талқыға түседі. Сондай-ақ инвесторлардың құқықтарын қорғау және басқа да маңызды мәселелер қаралады. Мұндай күн тәртібі өте орынды және өзекті деп айтуға болады", – деді мемлекет басшысы.
© Photo : Пресс-служба президента КазахстанаОсы бағытта біз де күш-жігер біріктіріп, жұмыла әрекет етуіміз керек
Осы бағытта біз де күш-жігер біріктіріп, жұмыла әрекет етуіміз керек
© Photo : Пресс-служба президента Казахстана
Қасым-Жомарт Тоқаев бауырлас елдердің өкілдеріне соңғы жылдары мемлекетімізде жүзеге асырылып жатқан ауқымды реформалар жөнінде мәлімет беріп, 1 шілдеде Қазақстанның жаңа Ата заңы күшіне енетінін айтты.
Сонымен қатар Мемлекет басшысы сот және құқық қорғау саласын реформалау бойынша атқарылған ауқымды жұмысқа тоқталды.