Sputnik.KZ дереккөзінен алынған мәліметтерге сүйене отырып, Qazaq24.com түсініктеме жасады..
АСТАНА, 17 наурыз – Sputnik. "NURORDA" мектеп-лицейінің оқушысы Нұргүл Егенбергенова АҚШ-тың Массачусетс технологиялық институтына оқуға түсті, деп хабарлайды Sputnik Қазақстан.
Бүгінде бұл жоғары оқу орны әлемдік білім беру рейтингінде көш бастап тұр. Оған оқуға түсу ең қиын сынақтардың бірі болып саналады. Мәселен, биылғы оқу жылында 29 мыңнан астам үміткердің ішінен тек 4-5%-ы ғана шақырту алған. Ал шетелдік студенттер үшін іріктеу бұдан да қатаң, қабылдану деңгейі небәрі 2 процентті құрайды.
Нұргүлдің ерекше академиялық жетістіктері мен интеллектуалдық әлеуетін тек MIT ғана емес, сонымен қатар әлемдік топ-100 тізіміне кіретін тағы 5 жетекші университет мойындап, шақырту жіберген. Соның ішінде University of British Columbia (UBC, Канада), Hong Kong University of Science and Technology (HKUST, Гонконг), École Polytechnique (Франция), Korea Advanced Institute of Science and Technology (KAIST, Оңтүстік Корея) мен University of Warwick (Ұлыбритания) бар.
Айта кетері, бұған дейін Нұргүл Егенбергенова Қазақстан президенті Қасым-Жомарт Тоқаевтың жеке қабылдауында болып, мемлекет басшысының қолынан арнайы сыйақы сертификатын алған болатын.