Төтенше жағдайлар министрлігі жолдардың жабылуы туралы хабарламаларды ескеруге шақырды

Ведомство азаматтарға келесі қауіпсіздік шараларын сақтауды қатаң түрде ұсынады:

дауылды ескертулерді қадағалап отыру;жолдардың жабылуы туралы хабарламаларды ескеру;алыс жолға шықпау және ұзақ қашықтыққа жаяу жүрмеу, әсіресе түнгі уақытта.

Сондай-ақ министрлік 10 наурызға қараған түні кейбір жол учаскелері жабылғанын хабарлады. Мәселен, сағат 09:00-де республикалық маңызы бар келесі автожол учаскелерін ашу жоспарланып отыр:

Абай облысы:

Бесқарағай ауылы – Семей қаласы;Семей қаласы – Ресей шекарасы.

Қызылорда облысы:

Қызылорда қаласы – Түркістан облысының шекарасы;Қызылорда қаласы – Ұлытау облысының шекарасы.

Түркістан облысы:

Қызылорда облысының шекарасы – Түркістан қаласы.

Ұлытау облысы:

Қызылорда облысының шекарасы – Жезқазған қаласы.

Сонымен қатар 10 наурыз күні сағат 03:30-да республикалық маңызы бар автожолдардың келесі бөліктерінде барлық көлік түрлерінің қозғалысына уақытша шектеу енгізілді:

Жамбыл облысы:

"Ресей шекарасы – Мәртөк – Ақтөбе – Қарабұтақ – Қызылорда – Шымкент – Тараз – Қордай – Алматы – Қорғас – Қытай шекарасы" автожолының 534-593 шақырым аралығы (Айша-бибі ауылы – Түркістан облысының шекарасы).

Түркістан облысы:

осы автожолдың 593-654 шақырым аралығы (Жамбыл облысының шекарасы – Машат кенті).Жамбыл және Түркістан облыстарында қозғалысты ашудың болжамды уақыты – 10 наурыз сағат 10:00.

Бұдан бөлек, 10 наурыз күні сағат 07:00-де республикалық маңызы бар автожолдардың мына бөліктерінде барлық көлік түрлерінің қозғалысына шектеу енгізілді:

Солтүстік Қазақстан облысы:

Жезқазған – Арқалық – Петропавл автожолы, 595-624 шақырым аралығы (Ақмола облысының шекарасы – Дружба ауылы).

Қостанай облысы:

Қостанай – Әулиекөл – Сұрған автожолы, 218-232 шақырым аралығы (Октябрь кенті – Ақмола облысының шекарасы);Жезқазған – Арқалық – Петропавл автожолы, 340-377 шақырым аралығы (Арқалық қаласы – Ақмола облысының шекарасы).

Аталған жолдарды ашудың болжамды уақыты – 10 наурыз сағат 12:00.

Бұған дейін "Қазгидромет" 10 наурызға арналған дауылды ескерту жариялаған болатын.