Qazaq24.com, Sputnik.KZ дереккөзінен алынған мәліметтерге сүйене отырып ақпарат жариялайды..
АСТАНА, 29 қазан – Sputnik. Дональд Трамп Киевке Tomahawk зымырандарын жеткізуді немесе алыс қашықтыққа арналған қаруды басқа елдер жеткізе алады ма деген мәселені әлі зерттеп жатыр, деп мәлімдеді АҚШ-тың НАТО-дағы тұрақты өкілі Мэттью Уитакер.
"Президент Трамп Tomahawk қажет пе немесе алыс қашықтыққа арналған қаруды басқа елдер жеткізе алады ма деген нұсқаларды қарастырып, бұл мәселені әлі де зерттеп жатыр", - деді ол Bloomberg агенттігіне берген сұхбатында.
Сонымен қатар Уитакер АҚШ жақын арада Еуропаға Киевке жолдануы мүмкін қаруды сатуы ықтимал екенін айтты.
"Алдағы бірнеше айда бізде тағы 2 миллиард доллар болуы мүмкін. Біз мұны өте тез жасаймыз деп күтіп отырмыз", - деді Уитакер америкалық қаруды кейіннен Украинаға жөнелту үшін Еуропаға сату жоспарларына түсініктеме беріп.
Уитакер сонымен қатар АҚШ келесі жылы Украинаға еуропалық елдер арқылы 15-16 миллиард долларға қару жеткізетінін айтты.
Ресей Украинаға қару-жарақ жеткізу қақтығысты реттеуге кедергі келтіреді, НАТО елдерін қақтығысқа тікелей тартады деп санайды. Ресей сыртқы істер министрі Сергей Лавров Украинаға арналған қару-жарақ бар кез келген жүк Ресей үшін заңды нысана болатынын айтты.