Qazaq24.com, Azh.KZ дереккөзінен алынған мәліметтерге сүйене отырып мәлімдеме жасады..
АҚШ президенті Дональд Трамп Армения премьер‑министрі Никол Пашинянға 7 маусымда өтетін парламенттік сайлауда «толық әрі сөзсіз» қолдау көрсететінін мәлімдеді, деп хабарлайды АА.
Әлеуметтік желідегі жазбасында Трамп Пашинянды «тамаша дос және көшбасшы» деп атап, оның саясатын жоғары бағалады. Америкалық президенттің айтуынша, армян премьері елін «күшті, бай және аса қауіпсіз» мемлекетке айналдырған.
«Никол Армения мен бүкіл Оңтүстік Кавказ үшін бейбітшілік пен өркендеу жөніндегі менің көзқарасымды толық қолдайды», – деп жазды Трамп.
Ол сондай‑ақ АҚШ мемлекеттік хатшысы Марко Рубионың жуырдағы Арменияға сапарын еске алып, маңызды келісімдер бойынша ілгерілеу болғанын атап өтті.
Трамптың айтуынша, жақын уақытта АҚШ пен Армения «халықаралық бейбітшілік пен өркендеу үшін Трамп маршрутының» негізін қалады. Бұл бастама Оңтүстік Кавказды «түрлендіріп», америкалық энергетикалық компанияларға Орталық Азиядан АҚШ‑қа дейінгі бағытқа қол жеткізуге жол ашады.
«Николдың көмегімен біз АҚШ‑ты, Арменияны, Оңтүстік Кавказды және Орталық Азияны бұрын‑соңды болмаған биіктерге шығарамыз. Арменияны қайтадан ұлы етеміз», – деді Трамп.
Бүгін, 12:29