Inform.KZ парақшасындағы деректерге сәйкес, Qazaq24.com ақпарат таратты..
Айыптар қатарында АҚШ президенті Дональд Трамп өміріне қастандық жасауға оқталу, зорлық-зомбылық қылмысын жасау кезінде атыс қаруын қолдану және ауыр қылмыс жасау мақсатында қаруды штаттар арасында заңсыз тасымалдау бар.
Сот барысында күдікті өзіне тағылған айыптарды түсінетінін мәлімдеді.
Федералдық прокурор Джоселин Баллантиннің айтуынша, Аллен бірнеше штаттың шекарасын кесіп өтіп, президентке қастандық жасауға әрекеттенген. Оның жанынан 12-калибрлі мылтық, үш пышақ және басқа да қарулар табылған.
Прокуратура күдіктіні қамауда ұстауды сұрады. Себебі оған тағылған айыптар терроризммен байланысты баптарға жатады. АҚШ заңнамасына сәйкес, президентке қастандық жасауға әрекеттену өмір бойына бас бостандығынан айыру жазасына әкелуі мүмкін.
Бұған қоса, тергеу барысында күдіктінің отбасы мүшелеріне «манифест» жолдағаны анықталған. Онда ол президентке жету жолында ешкімге қарамайтынын жазған.
АҚШ Әділет министрлігінің өкілдері, соның ішінде бас прокурордың міндетін атқарушы Тодд Бланш, Федералдық тергеу бюросы директоры Каш Патель және федералдық прокурор Джиннин Пирро баспасөз мәслихатында тергеу жалғасып жатқанын мәлімдеді.
Олардың айтуынша, күдікті жоғары лауазымды тұлғаларға қарсы ірі шабуыл жасауды көздеген. Дегенмен құқық қорғау органдары оның әрекетін дер кезінде тоқтатып, оқиғаның ауқымды сипат алуына жол бермеген.
Күдіктіні қамауда ұстау мәселесі бойынша тыңдау бейсенбіге, ал алдын ала сот отырысы 11 мамырға белгіленген.