Тұрғын үйге арналған заңдар қаралады

Egemen.KZ парақшасынан алынған ақпаратқа сүйене отырып, Qazaq24.com хабарлама жасады..

Сенат спикері Мәулен Әшімбаевтың төрағалығымен Палата бюросының отырысы өтті. Онда депутаттар 29 қаңтарға жоспарланған Сенат отырысының күн тәртібін белгіледі.

Сурет: senate.parlam.kz

Палатаның алдағы отырысында сенаторлар «Қазақстан Республикасының Үкіметі мен ОРЕС Халықаралық даму қоры арасындағы жеке сектордағы операцияларды ұйымдастыру туралы негіздемелік келісімді ратификациялау туралы» заңды қарайды. Келісім ұзақ мерзімді қаржыландыруға, инвестицияларды қорғауға, сондай-ақ ынтымақтастықтың икемді шарттарына кепілдік береді.

Бюро отырысында аталып өткендей, аталған заң арқылы ОРЕС Халықаралық Даму қорының қарыздарын, кепілдіктерін, тағы басқа да құралдарын алуға жәрдемдесу үшін тұрақты негіз құру арқылы еліміздің қаржылық ынтымақтастығы мен орнықты экономикалық дамуын ынталандыру көзделіп отыр.

Сондай-ақ Сенат депутаттары «Қазақстан Республикасының кейбір заңнамалық актілеріне күзет қызметі, тұрғын үй қатынастары және құқық қорғау қызметі мәселелері бойынша өзгерістер мен толықтырулар енгізу туралы» заңды қарайды. Заңның негізгі мақсаты – күзет қызметін жүзеге асыратын субъектілердің қызметін жетілдіру, қару иелеріне қойылатын талаптарды күшейту, құқық қорғау органдарының, арнаулы мемлекеттік органдардың, азаматтық қорғау органдарының қызметкерлерін, әскери қызметшілерді тұрғын үймен қамтамасыз ету және тұрғын үй төлемдерін жүзеге асыру тәртібін жетілдіру. Сондай-ақ заңды шамадан тыс нақтылайтын нормаларды алып тастау, оларды Үкімет актілері деңгейіне ауыстыру қарастырылған.

Сонымен қатар сенаторлар бұған дейін Мәжіліс қабылдаған заңдарды жұмыс үшін Палатаның тұрақты комитеттеріне бөліп берді.

Соңғы жаңалықтар