Тың бағдарлама іске қосылды

Qazaq24.com, Egemen.KZ дереккөзінен алынған мәліметтерге сүйене отырып жаңалық жариялады..

Техникалық және кәсіптік білім жүйесіне жасанды интеллектіні енгізуге арналған республикалық бағдарлама іске қосылды. Жаңа жоба Астана қаласындағы техникалық және кәсіптік білім жүйесінде жасанды интеллект (AI) құралдарын қолдануға бағытталған.

Сурет: astanatv.kz

Аталған бағдарламаны Оқу-ағарту министрлігінің «Talap» коммерциялық емес акционерлік қоғамы тарапынан серіктес компанияларымен бірге жүзеге асырырып жатыр.

Жауапты ұйымның таратқан ақпаратына сүйенсек, осы жоба аясында елордада «Білім беру үдерісіндегі жасанды интеллект құралдары: оқыту тиімділігін арттыру» тақырыбында тегін біліктілікті арттыру курстарының ресми ашылуы өтті. Бастама IT-саласының маманы емес колледж оқытушыларына арналған және Астана қаласын, сондай-ақ Ақмола мен Қарағанды облыстарын қамтиды.

Жобаның негізгі мақсаты – педагогтердің цифрлық және технологиялық құзыреттерін дамыту, сондай-ақ жасанды интеллект құралдарын оқу үдерісінде тиімді қолдануға үйрету. Оқу бағдарламасы 10 аптаға жоспарланған және гибридті форматта өтеді. Қатысушылар заманауи виртуалды платформалар арқылы теориялық білімді тәжірибемен ұштастырып, практикалық дағдыларын жетілдіреді.

Бағдарламаның басты ерекшелігі – оның практикалық бағыттылығы. Тыңдаушылар әлемнің жетекші университеттерінде білім алған сарапшылардың дәрістерін тыңдап, халықаралық технологиялық компаниялар өкілдерімен тәжірибе алмасу мүмкіндігіне ие болады.

Қорытынды кезеңде білім мен бизнес саласына арналған AI-жобаларды әзірлеуге бағытталған «Hackathon Battle» ұйымдастырылады.

Оқуды сәтті аяқтап, өз жобаларын қорғаған қатысушыларға «Talap» КеАҚ-тың ресми сертификаттары табысталады.

Соңғы жаңалықтар

Ғалымдар көлік жүргізіп келе жатып музыка тыңдау қауіпті екенін ескертті

Қоғам • Бүгін, 00:25

Отбасы банк Астанадағы жаңа деректер орталығына көшті

Қоғам • Кеше

Астанада жеңіл көлік автобус аялдамасына соғылды

Елорда • Кеше

Полиция: Маңғыстауда 362 нөміріне қатысты дүрбелең жоқ

Қоғам • Кеше

Астана мен еліміздің 16 өңірінде дауылды ескерту жарияланды