Qazaq24.com, Sputnik.KZ дереккөзінен алынған мәліметтерге сүйене отырып жаңалық жариялады..
АСТАНА, 25 тамыз – Sputnik. Министрлер кабинеті 2027–2029 жылдарға арналған әлеуметтік-экономикалық даму болжамын бекітті, деп хабарлайды Sputnik Қазақстан тілшісі.
Инфляция қандай болады
Болжамға сәйкес, алдағы үш жылда жалпы ішкі өнімнің орташа өсімі 5 пайызды құрайды. Инфляцияның болжамды дәлізі 2027 жылы 7,5–9,5 пайыз, ал 2028–2029 жылдары 6–8 пайыз деңгейінде болады.
Республикалық бюджеттің кірістері:
2027 жылы – 19,9 трлн теңге;
2028 жылы – 21,7 трлн теңге;
2029 жылы – 23,4 трлн теңге.
Республикалық бюджеттің шығыстары:
2027 жылы – 30,2 трлн теңге;
2028 жылы – 29,4 трлн теңге;
2029 жылы – 29,6 трлн теңге.
Кепілдендірілген трансферт көлемі 2027–2028 жылдары 2 трлн 430 млрд теңге, ал 2029 жылы 2 трлн теңге көлемінде айқындалып отыр.
"Бұдан бөлек, аса маңызды нысандар мен жалпы ел үшін маңызы бар жобаларды қаржыландыруға Ұлттық қордан 2027 жылы 2 трлн теңге, ал 2028–2029 жылдары әр жылға 1,5 трлн теңгеден нысаналы трансферт қарастырылған", – деді вице-премьер Серік Жұманғарин.
Ұлттық қордың ақшасы қаншаға өседі
Базалық сценарий бойынша Ұлттық қорға түсетін түсімдердің жалпы көлемі артады:
2027 жылы – 5,1 трлн теңге;
2028 жылы – 5,5 трлн теңге;
2029 жылы – 5,7 трлн теңге.
Ал қорға түсетін таза түсімдер 2027 жылы 0,5 трлн теңге, 2028 жылы 1,4 трлн теңге және 2029 жылы 2 трлн теңге мөлшерінде болжанып отыр.
Ұлттық қордың валюталық активтері 2027 жылы 65,2 млрд АҚШ долларынан 2029 жылы 70,6 млрд АҚШ долларына дейін өседі деген болжам бар.