Sputnik.KZ парақшасынан алынған деректерге сүйене отырып, Qazaq24.com хабарлама жасады..
АСТАНА, 2 сәуір – Sputnik. Украина Канададан энергетиканы қалпына келтіруге 14,4 миллион доллар көлемінде көмек алуды жоспарлап отыр, деп хабарлады Украина премьер-министрі Юлия Свириденко.
"Канаданың халықаралық даму жөніндегі мемлекеттік хатшысы Рандип Сараимен кездестім… Украина энергетикасын қолдау қорына 20 миллион Канада доллары (14,4 миллион АҚШ доллары – ред.) көлемінде жарна аудару туралы жақында жарияланған шешімді жоғары бағалаймыз", – деп жазды Свириденко Telegram каналында.
Украинаның энергетика министрі әрі бірінші вице-премьері Денис Шмыгаль 16 қаңтарда елдің энергетика саласында төтенше жағдай режимі енгізілгенін мәлімдеді. Ал Yasno (ДТЭК энергия холдингіне кіреді) энергия компаниясының директоры Сергей Коваленко Украинада жарық тәулігіне 16 сағаттан астам уақытқа өшірілуі мүмкін екенін айтты.