Qazaq24.com, Inform.KZ дереккөзінен алынған мәліметтерге сүйене отырып түсініктеме береді..
— Мемлекет басшысының V Ұлттық құрылтай отырысында берген тапсырмасына сәйкес, «Ұлттық цифрлық мұра» бастамасын іске асыру бойынша тұжырымдамалық және ұйымдастырушылық жұмыстар жүргізілуде. Қазіргі уақытта платформаны қалыптастырудың архитектурасы, интеграциялық тетіктері және құқықтық модельдері пысықталуда. Платформаны іске қосу мерзімдері аталған жұмыстардың нәтижесіне, сондай-ақ қажетті техникалық және құқықтық рәсімдердің аяқталуына қарай айқындалатын болады, — деді ведомстводан агенттіктің ресми сауалына орай.
Министрлік мәліметінше, платформа қолданыстағы мемлекеттік және салалық ақпараттық жүйелермен, оның ішінде e-Архив, e-Кітапхана, e-Museum жүйелерімен, сондай-ақ мемлекеттік органдардың, ғылыми және білім беру ұйымдарының дерекқорларымен ықпалдастырылады. Сонымен қатар «Асыл мұра» мемлекеттік архиві базасында тиісті портал құру мүмкіндігі де қарастырылып жатыр. Жасанды интеллект элементтерін пайдалану деректерді өңдеу мен жүйелеу процестерін автоматтандыруға, іздеу және талдау мүмкіндіктерін кеңейтуге, сондай-ақ қазақ тіліндегі цифрлық контенттің сапасы мен қолжетімділігін арттыруға мүмкіндік береді. Бұл ретте зияткерлік меншік құқықтарын қорғау, материалдарды рұқсатсыз пайдалануға жол бермеу және Қазақстан Республикасының деректер егемендігін қамтамасыз ету мәселелеріне ерекше назар аударылады.
— Осылайша, «Ұлттық цифрлық мұра» қоры тарихи жадыны сақтауға, мәдени мұраны жүйелеуге және оны азаматтар, зерттеушілер мен талдамалық және жасанды интеллект шешімдерін әзірлеушілер үшін қолжетімді етуге бағытталған стратегиялық жоба саналады. Аймақтарда жүргізілетін цифрландыру жұмыстары орталық деңгейде стандарттар, инфрақұрылым және деректердің сақталуы тұрғысынан үйлестіріліп, ұлттық цифрлық мұраның тұтастығы мен сапасын қамтамасыз етуге негіз болады, — деді Мәдениет министрлігінен
Жыл басында Қызылорда қаласында өткен Ұлттық құрылтайдың V отырысында Мемлекет басшысы Қасым-Жомарт Тоқаев «Ұлттық цифрлық мұра» қорын құру идеясын қолдаған еді.