Qazaq24.com, Sputnik.KZ дереккөзінен алынған мәліметтерге сүйене отырып мәлімдеме жасады..
АСТАНА, 14 қазан – Sputnik. Премьер-министрдің орынбасары – ұлттық экономика министрі Серік Жұманғарин алдағы үш жылда Ұлттық қордан қанша қаражат алынатынын және қордың таза валюталық активтері қандай деңгейде болатынын айтты, деп хабарлайды Sputnik Қазақстан тілшісі.
2027–2029 жылдары Ұлттық қордан кепілдендірілген трансферттер түрінде мынадай қаражат алу жоспарланып отыр:
2027 жылы – 2 трлн 430 млрд теңге;
2028 жылы – 2 трлн 430 млрд теңге;
2029 жылы – 2 трлн теңге.
Бұдан бөлек, ірі құрылыс жобаларына және ел үшін маңызды нысандарға Ұлттық қордан нысаналы трансферттер бөлінеді. Оның көлемі:
2027 жылы – 2 трлн теңге;
2028 жылы – 1,5 трлн теңге;
2029 жылы – 1,5 трлн теңге.
"Қаражат аса маңызды объектілер мен жалпы ел үшін маңызы бар жобаларды қаржыландыруға бағытталады", – деді Серік Жұманғарин Құрылтайдың бүгінгі отырысында.
Үкімет кепілдендірілген және нысаналы трансферттерді есепке алғаннан кейін Ұлттық қордың таза валюталық активтері қандай деңгейде болатынын да жоспарлаған.
Болжам бойынша қордың таза валюталық активтері:
2027 жылы – 65,2 млрд АҚШ доллары;
2028 жылы – 67,3 млрд АҚШ доллары;
2029 жылы – 70,6 млрд АҚШ доллары болады.