Ұлттық ұлан әскери қызметшілерін психологиялық сүйемелдеудің цифрлық жүйесін енгізді

Sputnik.KZ парақшасынан алынған деректерге сүйене отырып, Qazaq24.com хабарлама жасады..

АСТАНА, 29 маусым – Sputnik. ІІМ Ұлттық ұланы әскери қызметшілерді, әсіресе жас сарбаздарды психологиялық сүйемелдеудің және іріктеудің жаңа цифрлық модулін енгізді.

Мнистрліктің айтуынша, жүйені енгізудің арқасында нәтижелерді өңдеу уақыты екі сағаттан 10-15 минутқа дейін қысқарып, құжаттама көлемі 80%-ке азайды. Ал психологиялық қызмет мамандарының жұмыс уақытын үнемдеу шамамен 2000 сағатты құрайды.

"Жүйе психологиялық тестілеуден өткізуді, нәтижелерді автоматты түрде өңдеуді және аналитикалық деректерді қалыптастыруды бірыңғай орталықтандырылған процеске біріктіреді. Платформада мерзімді қызметтегі әскериер мен келісімшарт бойынша әскери қызметшілердің және офицерлердің психологиялық тестілеуден өту мүмкіндігі қарастырылған", - дейді министлік.

E-Nazar-дың басты артықшылықтарының бірі — дербес деректерді қорғаудың жоғары деңгейі, ақпаратты өңдеудің жоғары жылдамдығы.

Психологиялық әдістердің электрондық нұсқаларын ұландық қос сарбаз — ефрейтор Ким Хён У мен қатардағы Берікжан Бектұрсынов аға офицерлердің басшылығымен әзірлеген. Олар жасаған ақпараттық өнім патенттелген, бұл оның жаңалығы мен практикалық маңыздылығын растайды.

"Цифрлық жүйенің тиімділігі елордалық 5573 әскери бөлімінде тәжірибелік апробация барысында расталды. Сәтті тестілеуден кейін жоба ІІМ Ұлттық ұланының барлық бөлімшелерінде автоматтандырылған психологиялық мониторингтің бірыңғай құралы болуға дайын", - делінген хабарламада.

Маңызды жаңалықтар мен жаңартуларды өткізіп алмау үшін Qazaq24.com сайтын қадағалаңыз.