Sputnik.KZ парақшасынан алынған ақпаратқа сәйкес, Qazaq24.com хабарлайды..
АСТАНА, 8 маусым – Sputnik. Ұлттық ұлан сарбаздары LRT станцияларында қызметке кірісті.
Елорда тұрғындарының LRТ-ға деген қызығушылығының артуына байланысты Қазақстан Республикасы ІІМ Ұлттық ұланының әскери қызметшілері станцияларда жолаушылардың қауіпсіздігін қамтамасыз етіп отыр.
© Пресс-служба НацгвардииҰлттық ұлан сарбаздары LRT станцияларында қызметке кірісті
Ұлттық ұлан сарбаздары LRT станцияларында қызметке кірісті
Қазіргі таңда қызмет 17 станцияда екі ауысымдық режиммен жүргізіліп жатыр. Станцияларда жолаушылар ағынын реттеуге және тұрақтылықтың сақталуына басымдық беріліп жатыр.
"Ұландықтар қоғамдық тәртіпті қадағалауға, қауіпсіздік ережелерінің сақталуына, жолаушылар қозғалысын реттеуге көмектеседі", - деп жазылған хабарламада.
Станциялардағы тұрақтылықты үйлестіру қажеттілігі жолаушылар ағынының және астаналықтардың жаңа көлік объектісіне деген сұранысының артуына байланысты туындап отыр, дейді ведомствода.
© Пресс-служба НацгвардииҰлттық ұлан сарбаздары LRT станцияларында қызметке кірісті
Ұлттық ұлан сарбаздары LRT станцияларында қызметке кірісті
Ұлттық ұлан хабарлауынша, қоғамдық тәртіп әскерінің сарбаздары станциялардың ішінде ғана емес, оған іргелес аумақтарда да қызмет атқарады. Аталмыш шаралар полиция қызметкерлерімен, көлік қызметтерінің өкілдерімен және LRT әкімшілігімен тығыз бірлесіп ұйымдастырылған.