Tengrinews.KZ парақшасынан алынған деректерге сүйене отырып, Qazaq24.com мәлімдеме жасады..
Үндістаннан халықаралық рейстермен ұшатын саяхатшылар үшін паспорттық бақылаудан өту жеңілдейді. 1 қыркүйектен бастап иммиграциялық қызметтер отырғызу талондарына мөртабан басуды тоқтатады, деп хабарлайды Tengri Travel NDTV-ге сілтеме жасап.
Не өзгерді?
Жаңа ереже Үндістанның барлық халықаралық әуежайында қолданылады.
Жолаушыларға бұдан былай паспорттық бақылаудан өту кезінде отырғызу талонына арнайы мөртабан бастырудың қажеті болмайды. Сонымен қатар бұл процедура үшін құжатты арнайы басып шығару да талап етілмейді.
Жаңа ереже қалай жұмыс істейді?Енді жолаушылар телефондағы электронды отырғызу талонын көрсету арқылы паспорттық бақылаудан өте алады. Оны паспорттық бақылау үшін арнайы басып шығарудың қажеті болмайды.
Бұл ретте қағаз түріндегі отырғызу талондары да жарамды болып қала береді. Егер жолаушы басып шығарылған талонды жөн көрсе, оны пайдалана алады, бірақ оған енді мөртабан басылмайды.
Яғни, 1 қыркүйектен бастап мына екі нұсқаның кез келгенін қолдануға болады:
телефондағы электронды отырғызу талоны; қағаз түріндегі отырғызу талоны.Басты өзгеріс - отырғызу талонында иммиграциялық мөртабанның қажеті жоқ.
Мөртабандар не үшін жойылды?БАҚ мәліметінше, бұған дейін паспорттық бақылауда жолаушы отырғызу талонын иммиграциялық қызмет қызметкеріне көрсетуі тиіс болатын, ол оған арнайы мөртабан басатын. Кейде мөртабан анық көрінбей қалатын - бұл құжатты кейін тексеру кезінде қиындықтар тудыруы мүмкін еді.
Енді мұндай белгінің қажеттілігі болмайды. Жолаушыға электронды немесе қағаз түріндегі отырғызу талонын көрсету жеткілікті. Бұл ретте өзгеріс тек Үндістаннан халықаралық рейстермен ұшу процедурасына қатысты. Иммиграциялық бақылаудың қалған талаптары өз күшінде қалады.
Айта кетсек, Үндістан - қазақстандық туристер арасында айтарлықтай танымал бағыт. Мұнда демалуға, емделуге, йогамен айналысуға және жаңа әсер алуға келеді.
Google News арқылы жаңалықтарымызды қадағалаңыз
Жазылу