Qazaq24.com, Sputnik.KZ дереккөзінен алынған мәліметтерге сүйене отырып ақпарат бөліседі..
АСТАНА, 5 желтоқсан – Sputnik. Үндістан Украинада мүмкіндігінше тезірек бейбітшілік орнауын қолдайды, ол үшін бірлесе жұмыс істеу қажет, деп мәлімдеді Үндістан премьер-министрі Нарендра Моди.
"Біз бейбітшіліктің тезірек орнауын тұрақты түрде қолдаймыз және осы бағыттағы күш-жігерге қолдау жасаймыз, бәріміз бірігіп жұмыс істеуіміз керек", – деді Моди Ресей президенті Владимир Путинмен кездесуде.
Ресей президенті Владимир Путин 4-5 желтоқсанда Үндістанда мемлекеттік сапармен болады.
Бір күн бұрын Үндістан премьер-министрі Нарендра Моди Ресей президентін әуежайда қарсы алды.
Жоғары деңгейдегі ресми келіссөздерден кейін тараптар екіжақты үкіметаралық құжаттардың үлкен пакетін және бірқатар коммерциялық келісімді қабылдайды. Сондай-ақ мемлекет басшылары Ресей-Үндістан бизнес форумының пленарлық отырысында сөз сөйлеп, БАҚ алдында мәлімдеме жасайды.