Qazaq24.com, Tengrinews.KZ дереккөзінен алынған ақпаратқа сүйене отырып жаңалық таратты..
ҰҚК сепаратистік сипаттағы видео үшін әйел ұсталғанын хабарлады. Жедел іс-шаралар прокуратураның үйлестіруімен жүргізілді, деп хабарлайды Tengrinews.kz.
Павлодарда сепаратистік сипаттағы видео жариялады деген күдікпен жергілікті тұрғын ұсталды. Бұл туралы Ұлттық қауіпсіздік комитетінің баспасөз қызметі Tengrinews.kz-тің ресми сауалына берген жауабында хабарлады.
Бұған дейін әлеуметтік желілерде әйел қазақ халқына тіл тигізіп, Қазақстанның аумақтық тұтастығына қатысты пікір білдірген видеосы тараған болатын.
ҰҚК ақпараты бойынша, ұстау шарасы 28 қазанда прокуратураның үйлестіруімен өтті. Сотқа дейінгі тергеу басталды. Сондай-ақ ҰҚК күдікті бұған дейін есірткі заттарын сатқаны үшін сотталғанын хабарлады.
Ведомство Қылмыстық-процестік кодекстің 201-бабына сүйене отырып, өзге ақпаратты жария етпеді.
Бізді Google-дың негізгі дереккөздер тізіміне қосыңыз
Қосу