Ұшақ адам көп жүретін қиылысқа құлады егжей тегжейі белгілі болды

Калифорния штатының Сан-Хосе қаласында шағын ұшақ апатынан үш адам, соның ішінде бір бала аман қалды. Әуе кемесі адам көп жүретін қиылысқа құлаған. Бортта болғандардың барлығы ауруханаға жеткізілді, олардың өміріне қауіп төніп тұрған жоқ, деп хабарлайды Tengri Travel.

Не болды?

АҚШ-тың Сан-Хосе қаласында 1968 жылы шыққан Cessna 177A Cardinal шағын ұшағы апатқа ұшыраған. KTLA мәліметінше, әуе кемесі кенет төмендеп, халық көп жүретін қиылысқа құлаған.

Ұшақ Flying Twenty Inc. компаниясына тиесілі. Бұл - Сан-Хосе штаты университетінің студенттері, оқытушылары мен түлектерінің басын қосатын коммерциялық емес ұшу клубы.

Ұшақтың көлік кептелісі көп жолға құлағанына қарамастан, басқа көліктер зардап шекпеген. Сондай-ақ жерде болғандардың ешқайсысы жарақат алмады.

Сан-Хосе өрт сөндіру қызметінің хабарлауынша, борттағы үш адамның бәрі аман қалған. Екі ересек адам мен бала өміріне қауіп төндірмейтін жарақаттармен ауруханаға жеткізілді.

"Екі ересек адам мен бір бала сақтық шаралары ретінде өміріне қауіп төндірмейтін жарақаттармен ауруханаға жеткізілді", - деп хабарлады ведомство өкілдері.

https://t.co/Wo8gLFaFAR

— San José Fire Dept. (@SJFD) 17 қазан, 2026

Жарияланған кадрлардан қатты зақымдалған ұшақтың көше ортасында тұмсығымен төмен, құйрығы жоғары қарап жатқанын көруге болады.

Бұқаралық ақпарат құралдарының мәліметінше, апаттан кейін жолдың бұл бөлігінде қозғалыс қиындаған. Өрт сөндірушілер мен полицейлер оқиға орнында қауіпсіздікті қамтамасыз етіп, ұшақ сынықтарын жинаумен айналысты.

Сондай-ақ ұшақтан аз мөлшерде жанармай төгілген. Мамандар оны сорып алды. Жол жиегін сынықтардан тазарту жұмыстары шамамен үш сағатқа созылды.

Қазіргі уақытта апаттың себептері анықталып жатыр. Тергеу басталды.

Тағы оқыңыз: Найзағай кезінде ұшақ орманға құлады: борттағы адамдардың бәрі қаза тапты

Бізді Google-дың негізгі дереккөздер тізіміне қосыңыз