Qazaq24.com, Egemen.KZ дереккөзінен алынған ақпаратқа сүйене отырып жаңалық таратады..
Фото: «Жолаушылар тасымалы» АҚ (архив)
Оның айтуынша, кейбір кезеңдерде әуе билеттерінің бағасы теміржол билеттерінің бағасымен бірдей болуы мүмкін, тіпті кей жағдайда пойыз билеті қымбатырақ болуы да ықтимал.
«Бірақ сұраныс жоғары болатын маусымдарда әуе билеттерінің бағасы 70-100 мың теңгеге дейін жетеді. Сондықтан бағаларды жылдық көрсеткіштер мен әртүрлі маусымдар бойынша салыстырған дұрыс деп ойлаймын», деді ол Үкіметтегі брифинг барысында.
Оның сөзінше, авиация саласында динамикалық тарифтік басқару жүйесі қолданылады. Яғни билет бағасы сұраныс пен ұсынысқа байланысты өзгеріп отырады. Ал теміржол билеттерінің бағасы жыл бойы тұрақты сақталады.
Ол компания жыл сайын Көлік министрлігімен жасалған келісімшарт талаптарына сәйкес билет бағасын индекстейтінін атап өтті. Биыл 1 сәуірден бастап билеттер құны 7%-ға көтерілді. Сонымен қатар, өткен жылғы инфляция деңгейі 12%-дан асқандықтан, бұл индексация инфляция көрсеткішіне толық сәйкес келмейді.
Мамыр айында Серік Жұманғарин Үкімет теміржол қызметтеріне арналған тарифтерді инфляция деңгейіне сай орта есеппен 12%-ға дейін көтеру мәселесін қарастырып жатқанын хабарлаған болатын.
Бұған дейін жаз мезгілінің соңына қарай ҚТЖ пойыздарында интернет пайда болатыны туралы айтылған.