Үшем өмірге келді

Qazaq24.com, Egemen.KZ дереккөзінен алынған мәліметтерге сүйене отырып ақпарат жариялайды..

Былтыр мұнайлы өңірде 13 906 сәбидің дүниеге келгені тіркелген еді. Биылғы жылдың алғашқы таңында олардың қатары 30 нәрестемен толықты. Ал жақында үшем өмірге келді.

Облыстық денсаулық сақтау басқармасының дерегіне қарағанда, үшемнің әке-шешесі Мақат ауданында тұрады. Үш бұрымдыны жүктіліктің 35-аптасында босанған.

– Ата-ана үшін де, медицина саласындағы қызметкерлер үшін де үшемнің өмірге келуі – ерекше оқиға. Алайда Атырау облысында үшем сирек кездеседі. Биылғы үшемнің ата-анасы бұрыннан екі қыз, бір ұл тәрбиелеп отыр. Дүние есігін енді ашқан нәрестелерін Қымбат, Сымбат, Қарақат есімімен атады. Үшемнің салмағы бірдей емес. Бірі – 1 921, екіншісі – 2 275, ал үшіншісі – 2 204 грамм. Бойлары 44–45 см аралығын құрады, – деп хабарлады басқарма басшысының орынбасары Әлия Жанғалиева.

Үшемнің анасы Әселхан Кеңесованың айтуынша, өзінің де, күйеуінің де әулетінде егіздер болған. Дәрігерлер үшемнің өмірге келетінін алдын ала ескертіпті.

– Бұл хабарды естігенде қуандық әрі қобалжыдық. Дегенмен бір күнде көпбалалы отбасы атандық. Дәрігерлер үшемнің аман-есен өмірге келуіне жан-жақты қолдау көрсетті, – дейді Ә.Кеңесова.

Атырау облысы

Соңғы жаңалықтар

Астанада Олимпиада чемпионы Михаил Шайдоровты салтанатты түрде қарсы алды

Елорда • Бүгін, 02:45

Ғылым қалашығында қоныс той

Қоғам • Кеше

Жалпыұлттық коалиция Қарағанды облысында бірқатар кездесу өткізді

Ата заң • Кеше

2025 жылы 83 ауыл жойылды: Елдімекендердің ертеңгі тағдыры қандай?

Аймақтар • Кеше

Яна Легкодимова ісі: Апелляциялық сот үкімді өзгеріссіз қалдырды

Қоғам • Кеше