Qazaq24.com, Sputnik.KZ дереккөзінен алынған мәліметтерге сүйене отырып жаңалық жариялады..
АСТАНА, 3 ақпан – Sputnik. Абай облысында 50 жұмысшы мінген автобус аударылды.
Облыстық полиция департаментінің мәліметінше, оқиға Семей-Қайнар автожолының 62-шақырымында, Знаменка ауылы маңында болған.
"Алдын ала мәліметке сәйкес, 52 жастағы жүргізуші басқарған SETRA маркалы жолаушылар автобусы жолдан шығып кетіп, кейін бүйіріне аударылған. Автобус салонында вахталық жұмысқа бара жатқан 50 жолаушы болған", - деп жазылған хабарламада.
Жол апаты салдарынан жолаушылар дене жарақатын алған. Зардап шеккендерге уақтылы қажетті медициналық көмек көрсетілді.
Аталған факт бойынша полиция тексеру жұмыстарын бастады.