Egemen.KZ парақшасынан алынған деректерге сүйене отырып, Qazaq24.com жаңалық жариялайды..

Бірыңғай жинақтаушы зейнетақы қоры (БЖЗҚ) 2025 жылғы 1 қарашадағы жағдай бойынша зейнетақы активтерін басқару туралы есепті жариялады.

Ұлттық банк (ҰБ) пен инвестициялық портфельді басқарушылар (ИПБ) басқаратын қаражаттың жалпы көлемі 25,8 трлн теңгеге жеткен, деп хабарлайды Egemen.kz.

Фото: baq.kz БЖЗҚ мәліметінше, активтердің негізгі бөлігі 25,1 трлн теңге – азаматтардың міндетті және ерікті жарналары есебінен қалыптасқан және Ұлттық банктің сенімгерлік басқаруында тұр.

Тағы 641 млрд теңге жұмыс берушілердің міндетті зейнетақы жарналары да (ЖБМЗЖ) Ұлттық банктің басқаруында.

Ал жеке басқарушы компаниялардың (ЖБК) үлесінде 80,5 млрд теңгеден астам актив бар.

Кірістілік Соңғы 12 айда (2024 жылғы қараша – 2025 жылғы қазан аралығы) Ұлттық банк негізгі портфелі бойынша инвестициялық табыс 2,82 трлн теңге, ал табыстылық 12,58% болды.

Бұл көрсеткіш осы кезеңдегі инфляция деңгейіне (12,60%) іс жүзінде тең.