7kun.KZ парақшасынан алынған ақпаратқа сәйкес, Qazaq24.com хабарлайды..
Қазақстанда зейнетақы жинағының бір бөлігін алуға қойылатын жеткіліктілік шегі қайта көтерілуі мүмкін. Бұл туралы Сенаттағы брифингте Ербол Тұяқбаев мәлімдеді.
Еңбек және халықты әлеуметтік қорғау бірінші вице-министрінің айтуынша, қазір бұл мәселе бойынша есептеулер жүргізіліп жатыр. Талқылауға Қазақстан Республикасының Ұлттық банкі мен мемлекеттік органдар қатысуда.
«Біздің міндет – азаматтарды қартайғанда лайықты зейнетақымен қамтамасыз ету», – деді Тұяқбаев.
Әзірге шектің нақты қанша пайызға өсетіні белгісіз. Алайда вице-министр өзгерістер 2026 жылдың өзінде күшіне енуі мүмкін екенін айтты.
Оның сөзінше, шешім мамыр айының соңына қарай қабылдануы ықтимал. Осыдан кейін жаңа талаптар туралы ресми ақпарат жарияланады.