Qazaq24.com, Sputnik.KZ дереккөзінен алынған мәліметтерге сүйене отырып ақпарат жариялайды..
АСТАНА, 26 қазан – Sputnik. Украина президенті Владимир Зеленский Пентагон басшысы Пит Хегсет Patriot және NASAMS әуе шабуылына қарсы қорғаныс жүйелеріне арналған зымырандарды Украинаға жеткізуге келісім бермей отырғанын мәлімдеді.
"Біз Хегсет мырзаның Patriot және NASAMS жүйелеріне арналған зымырандарды жеткізуге келісімін бір айға жуық уақыттан бері күтіп отырмыз. Біздің командаға бұл мәселені тағы да көтеруді тапсырдым", – деп жазды Зеленский әлеуметтік желіде.
Оның айтуынша, Украина қару-жарақ жеткізу мәселесі бойынша басқа елдермен де келіссөз жүргізіп жатыр.
Бұған дейін Финляндияға сапары кезінде Зеленский Еуропа елдерімен зымыран жеткізу жөнінде келісімдер бар екенін, бірақ оларды жеткізу үшін АҚШ-тың келісімі қажет екенін мәлімдеген.
19 қазанда Kyiv Independent басылымы Пит Хегсет Украинаға Patriot зымырандарының ірі партиясын жеткізуді әдейі кешіктіріп отырғаны туралы хабарлаған. Басылым мәліметінше, зымырандардың ақысын Киевтің одақтастары төлеп қойған.