24.KZ парақшасынан алынған деректерге сүйене отырып, Qazaq24.com жаңалық жариялайды..
Жамбыл облысында жыл басынан бері экологияны қорғау бағытында 1200-ден аса шара өтті.
Оған 32 мыңға жуық белсенді жас қатысты. Волонтерлер тазалық акциялары мен танымдық кездесулер, экология тақырыбына арналған челлендж-байқаулар ұйымдастырды. Солардың бірі Тараздағы колледжде өтті. Жиында қоршаған ортаны қорғау, экологиялық мәдениетті қалыптастыру мәселесі қозғалды. Жалпы биыл өңірде «Таза Қазақстан» акциясы шеңберінде тарихи-мәдени орындар мен қала, ауыл аумағынан 12 мың тонна қоқыс шығарылды.
Айбек Қадірәлиев, облыстық Жастар ресурстық орталығының директоры:
- «Тазалық өз аулаңнан басталады», «Тазалықты өзімізден бастайық» атты жастардың тарапынан биылға үлкен жобалар кең көлемде аталып өтті. Оған барлық Жамбыл жастары өздерінің үлестерін қосты. Сондай-ақ маусымдық жұмыстармен де осы «Таза Қазақстан» экологиялық акциясы аясында жастар жұмыспен қамтылды. Әрбір жастардың санасына экологиялық мәдениетті қалыптастыру және түсіндіру үлкен міндеттеріміздің бірі.