Arasha.KZ парақшасынан алынған деректерге сүйене отырып, Qazaq24.com хабарлама жасады..
Байзақ ауданының Сарыкемер ауылында қайғылы жағдай орын алды. Алдын ала мәлімет бойынша, Байзақ колледжі №3-тің 16 жастағы студенті өз-өзіне қол жұмсаған, деп хабарлайды Arasha.kz.
Болжам бойынша, оқиға қарсаңында жасөспірім әкесінің көлігіне зақым келтірген. Кейін оны шаруашылық ғимараттың ішінен өлі күйінде тапқан. Оқиғаның мән-жайын құқық қорғау органдары анықтап жатыр. Тергеу барлық нұсқаны тексеруде.
Көршілері мен таныстарының айтуынша, жасөспірім өскен отбасы тұрмысы жақсы жанұя болған: ата-анасы жұмыс істейді, үлкен балалары студент, ал кенже қыз мектепте оқиды.
Бұған дейін өңірде кәмелетке толмағандар арасында өз-өзіне қол жұмсау және құқық бұзушылық жағдайлары жиілегеннен кейін, Жамбыл облысына Оқу-ағарту министрі Жұлдыз Сүлейменова, Бала құқықтары жөніндегі уәкіл Динара Закиева, Мәжіліс депутаттары мен республикалық комиссия мүшелері келген еді.
Мемлекеттік органдардың назар аударуына қарамастан, аймақтағы, сондай-ақ жалпы ел бойынша да балалар мен жасөспірімдер арасындағы өлім-жітім мәселесі әлі де өзекті күйінде қалып отыр. Қыркүйекте Алматыда 17 жастағы жеке мектеп оқушысы оқудан шығарылғаннан кейін өз-өзіне қол жұмсаған болатын.