Qazaq24.com, Aikyn.KZ дереккөзінен алынған мәліметтерге сүйене отырып түсініктеме береді..
Полицейлер жүргізген жедел іс-шаралар барысында есірткіні заңсыз сақтау және тасымалдау деректерінің жолы кесілді, – деп хабарлайды Aikyn.kz сайты.
Мысалы, Меркі ауданында 64 жастағы азаматтың тұрғылықты мекенжайында жүргізілген тінту кезінде гашиш салынған пакет табылды.
Сонымен қатар Қордай – Алматы автожолының 238-шақырымында полицейлер ақ түсті Toyota автокөлігін тоқтатты. Тексеру барысында 48 жастағы жолаушы әйелдің сөмкесінен гашиш салынған төрт орам анықталды.
Тәркіленген гашиштің жалпы салмағы 3 келіге жуық болған. Аталған деректер бойынша сотқа дейінгі тергеу басталды. Күдіктілер уақытша ұстау изоляторына қамалды.
Қазіргі таңда қылмысқа қатысы бар өзге тұлғаларды анықтау мақсатында жедел-іздестіру шаралары жалғасып жатыр.