Qazaq24.com, Egemen.KZ дереккөзінен алынған ақпаратқа сүйене отырып мәлімет бөліседі..

Жамбыл облысында жайылымдағы жылқыны атып кеткен күдіктілер ұсталды.

Бұл туралы облыстық полиция департаментінің баспасөз қызметі хабарлады, деп жазады Egemen.kz.

Мамандар келтірген дерекке жүгінсек, Талас ауданының тұрғыны жайылымдағы жылқыларын тексеру кезінде іс-әрекеттері күдік тудырған «Volkswagen Passat» маркалы автокөлігіндегі адамдарды байқап, учаскелік полиция қызметкеріне хабар берген.

Полиция қызметкерлерімен жедел шаралар қабылданып, автокөлік Үшарал ауылы маңында тоқтатылған.

Тексеру барысында көліктің жүк салғышы мен салонынан бір бас жылқының бөлшектелген еті, сондай-ақ мал союға арналған құралдар мен аңшы мылтығы табылып, тәркіленген.

Қызылордада мал ұрлап, сойып жатқандар ұсталды Күдіктілер жайылымда жылқыны атып алып, сол жерде сойғаны белгілі болды.

Аталған дерекке қатысты ҚР Қылмыстық кодексінің 24-бабының 3-бөлігі - 188-1 бабы 2-бөлігінің 1) тармағымен (адамдар тобы болып, мал ұрлауға оқталу) сотқа дейінгі тергеп-тексеру басталды.