Qazaq24.com, Azh.KZ дереккөзінен алынған мәліметтерге сүйене отырып ақпарат жариялайды..
Конституция жобасының 95-бабында бірқатар саяси мемлекеттік қызметшілерді тағайындау мерзімі көрсетілген.
Мәселен, ҚР Президенті Құрылтайдың бірінші шақырылымының бірінші сессиясы ашылған күннен бастап екі ай ішінде парламенттің келісімімен вице-президентті тағайындауы тиіс.
Дәл сол мерзімде Президент Конституциялық соттың төрағасын және судьяларын тағайындайды. Соттың жаңа құрамы қалыптасқанға дейін Конституциялық соттың төрағасы мен судьялары өз өкілеттігін сақтайды.
Орталық сайлау комиссиясының, Жоғары аудиторлық палатаның төрағалары мен мүшелері де Құрылтайдың бірінші шақырылымының бірінші сессиясы ашылған күннен бастап екі ай ішінде тағайындалуы тиіс. Жаңа құрам қалыптасқанға дейін ОСК, ЖАП төрағалары мен мүшелері өз өкілеттігін сақтайды.
Жоғарғы сот төрағасы, Ұлттық банк төрағасы, Бас прокурор, Ұлттық қауіпсіздік комитеті төрағасы, Жоғарғы сот кеңесі төрағасы, Адам құқықтары жөніндегі уәкіл Конституция күшіне енген күннен бастап (2026 жылғы 1 шілде) екі ай ішінде тағайындалуы тиіс.
Бүгін, 11:08