Qazaq24.com, Zakon.KZ дереккөзінен алынған мәліметтерге сүйене отырып жаңалық жариялады..
Осылайша, меншік нысанына және ведомстволық бағыныстылығына қарамастан орта білім беру ұйымдарында 2026–2027 оқу жылының басталу және аяқталу мерзімдері мынадай болып белгіленді:
2026 жылғы 1 қыркүйек – 2027 жылғы 25 мамыр (қоса алғанда).
1–11 (12)-сыныптардағы оқу тоқсандары мен каникулдардың ұзақтығы:
1-тоқсан – 8 оқу аптасы, күзгі каникул – 7 күнтізбелік күн (2026 жылғы 26 қазаннан 1 қарашаны қоса алғанда);2-тоқсан – 8 оқу аптасы, қысқы каникул – 14 күнтізбелік күн (2026 жылғы 28 желтоқсаннан 2027 жылғы 10 қаңтарды қоса алғанда);3-тоқсан – 10 оқу аптасы, көктемгі каникул – 7 күнтізбелік күн (2027 жылғы 22–28 наурыз аралығы қоса алғанда);1-сыныптарда қосымша каникул – 7 күнтізбелік күн (2027 жылғы 8–14 ақпан аралығы қоса алғанда);4-тоқсан – 8 оқу аптасы.Қорытынды аттестаттау мерзімдері:
9 (10)-сынып оқушылары үшін қорытынды бітіру емтихандары – 2027 жылғы 31 мамыр мен 11 маусым аралығы;11 (12)-сынып оқушылары үшін мемлекеттік бітіру емтихандары – 2027 жылғы 1–17 маусым аралығы.Қорытынды аттестаттау аясындағы емтихандардың өткізу мерзімдері де бекітілді.
9 (10)-сынып оқушылары үшін:
математика (алгебра) пәнінен жазбаша емтихан – 2027 жылғы 31 мамыр;таңдау пәні бойынша жазбаша емтихан (физика, химия, биология, география, геометрия, Қазақстан тарихы, дүниежүзі тарихы, әдебиет (оқыту тілі бойынша), шет тілі (ағылшын/француз/неміс), информатика) – 2027 жылғы 3 маусым;қазақ тілі/орыс тілі және ұйғыр/тәжік/өзбек тілінде оқытатын мектептер үшін ана тілі (оқыту тілі) бойынша эссе түріндегі жазбаша емтихан, ал гуманитарлық цикл пәндерін тереңдетіп оқытатын мектептердің білім алушылары үшін жазбаша жұмыс (мақала, әңгіме, эссе) – 2027 жылғы 7 маусым;орыс/өзбек/ұйғыр/тәжік тілінде оқытатын сыныптарда қазақ тілі мен әдебиеті пәнінен және қазақ тілінде оқытатын сыныптарда орыс тілі мен әдебиеті пәнінен жазбаша емтихан – 2027 жылғы 11 маусым.11 (12)-сынып оқушылары үшін:
Қазақстан тарихы пәнінен ауызша емтихан – 2027 жылғы 1 маусым;алгебра және анализ бастамалары пәнінен жазбаша емтихан – 2027 жылғы 4 маусым;қазақ тілі/орыс тілі және ұйғыр/тәжік/өзбек тілінде оқытатын мектептер/сыныптар үшін ана тілі (оқыту тілі) пәнінен жазбаша емтихан – 2027 жылғы 9 маусым;таңдау пәні бойынша жазбаша емтихан (физика, химия, биология, география, геометрия, дүниежүзі тарихы, құқық негіздері, әдебиет (оқыту тілі бойынша), шет тілі (ағылшын/француз/неміс), информатика) – 2027 жылғы 14 маусым;өзбек/ұйғыр/тәжік/орыс тілінде оқытатын мектептер/сыныптарда қазақ тілі мен әдебиеті пәнінен және қазақ тілінде оқытатын мектептер/сыныптарда орыс тілі мен әдебиеті пәнінен жазбаша емтихан – 2027 жылғы 17 маусым.Бұйрық 2026 жылғы 15 тамыздан бастап қолданысқа енгізіледі.