Жазатайым оқиға азаймай тұр

Ертіс-Баян өңірінде өндірістегі жазатайым оқиға салдарынан болатын кісі өлімі азаймай тұр. Кейінгі үш жылда 20 адам көз жұмған.

Коллажды жасаған – Қонысбай ШЕЖІМБАЙ, «EQ»

2023–2025 жылдары өңір  кәсіп­орындарында 313 жазатайым оқиға тіркелген. Соның салдарынан 336 адам зардап шеккен. Мемлекеттік еңбек инс-пекциясы комитеті Павлодар облысы бойынша департаментінің мәліметінше, өңір кәсіпорындары мен ұйымдарында 2025 жылы 104 жазатайым оқиға тіркеліп, салдарынан 113 адам зардап шеккен. Оның ішінде 66 адам ауыр жарақат алып, 7 адам қаза тапқан.

«2024 жылы 103 жазатайым оқиға тіркеліп, 112 зардап шеккен адам анықталған. 78 адам ауыр зар­дап алып, 9 адам көз жұмған. 2023 жылы тіркелген 106 жазатайым оқиғадан 111 адам зардап шеккен, оның 65-і ауыр жарақат алған. Төрт оқиға адам өлімімен аяқталған. Зардап шеккендердің басым бөлігі – тау-кен, металлургия саласында, бюд­жеттік ұйымдарда, шағын бизнес субъектілерінде, құрылыс саласында еңбек ете­тін азаматтар. Өндірістік оқи­ға­ның негізгі себептері – жұ­мыстың қанағаттанғысыз дең­гейде ұйымдастырылуы, зардап шегушінің абайсыздығы, еңбек­ті қорғау мен қауіпсіздік талап­тарының бұзылуы», дейді департамент басшысының мін­детін атқарушы Абылай Сабыров.

Жазатайым оқиғаның ең жиі кездесетіні – адамдардың биік­тен құлауы, қозғалмалы, көкте қалықтап жүретін, айналмалы заттар мен бөлшектердің әсері. Өткен жылғы статистикалық деректерге үңілсек, кәсіпорын­дар арасында ең көп жарақаттан­ған жұмыскерлер «Қазхром» ТҰҚ» АҚ филиалы – Ақсу фер­роқорытпа зауытына тиесілі – 10 адам. Сондай-ақ «Еуроазияттық энергетикалық корпорациясы» АҚ филиалы – «Шығыс» кенішінде – 6 адам, «СтеклоМир KZ» ЖШС – 4 адам, «Богатырь Көмір» ЖШС – 5 адам, «Пром­машкомплект» ЖШС – 3 адам, «R.W.S. Concrete» ЖШС – 2 адам, «ПЭТК» АҚ – 2 адам, «Смарт Автобус ПВ» ЖШС – 4 адам, «Қазақстан алюминийі» АҚ филиалы электр стансасында 2 адам өндірістік жарақат алған. 2025 жылы өлімге әкелген жазатайым оқиға «Богатырь Көмір» ЖШС-да тіркеліпті: 2 адам қаза тапқан. Сондай-ақ «Строй-Дизайн PV» ЖШС, «ҚАЖсервис» ЖШС, «Қазхром» ТҰҚ» АҚ филиалы – Ақсу ферроқорытпа зауыты, «МК Еуразия-Агро» ЖШС мен «Гамма Сарыкөл» ЖШС-ның әрқайсында кісі өлімімен аяқталған бір жазатайым оқиғадан тіркелген.

Кейінгі жылдары тіркелген ең қайғылы оқиғаның бірі – 2024 жылдың қаңтар айында Майқайың алтын кенішінде автобуспен құрдымға түсіп қаза тапқан 4 құтқарушының өлімі. Құтқарушылар «Кәсіби әскери­лендірілген авариялық-құтқару қыз­меттерінің республикалық орталық штабы» ЖШС ПФ меке­месінде еңбек ететін еді.

«Өкінішке қарай, өндірістік жазатайым оқиғадан зардап шеккен адамдардың жұмыс берушіден келтірілген мате­риалдық зиянды өтеу нормасы еңбек заңнамасында қарас­тырылмаған. Осы себепті, зар­дап шеккендер азаматтық сот­қа өз бетімен жүгінеді. Ал қыл­мыстық істер жөнін­дегі мем­лекеттік еңбек инспекция­сының материалдары тергеулер аяқталғаннан кейін аумақтық полиция органдарына жолданады», деп қосты департамент өкілі.

Қазір елімізде 2024–2030 жыл­дарға арналған «Еңбек қауіп­сіздігі» тұжы­рымдамасын іске асыру жөнінде жұмыс жүргізіліп жатыр. Құжат еңбек қауіпсіздігі саласында жұмыс беру­шілерге қойылатын талап­тарды оңтайландыруға бағыт­талған шаралар кешенін қам­тиды. Мақсаты – өндірістік жа­рақ­аттануды төмендету, тиісті мемлекеттік бақы­лауды қам­тамасыз ету.

Департамент басшысы өңірде өндірістік оқиғалардың алдын алу, кәсіби аурулардың профилактикасына қатысты қа­былданатын шара­лар аясын­да 33 кәсіпорында «Нөлдік жарақаттанушылық – Vision Zero» тұжырымдамасы, 22 ең­бек ұйы­мында «Халықтық бақы­лау» жобасы енгізілгенін атап өтті. Бұл кәсіп­орындағы еңбек қауіпсіздігін тікелей бақылауға мүмкіндік беріп отыр. Өңір кәсіпорындарында 881 өндірістік кеңес жұмыс істейді, олар­дың міндетіне өндірістік жара­қат­тану­ды болдырмау, жұ­мыс орын­­дарындағы еңбек жағ­­дайын тексеруді ұйым­дас­тыру кіреді.

Павлодар облысы 

Соңғы жаңалықтар

Жазатайым оқиға азаймай тұр

Мәселе • Бүгін, 09:00

Нұртілеу турнирі мәресіне жетті

Спорт • Бүгін, 08:57

Кәсіптік оқыту платформасына сұраныс

Білім • Бүгін, 08:55

Айтыс саңлағы

Руханият • Бүгін, 08:53

Шикізаттан дайын өнімге: Экономиканың жаңа моделі

Экономика • Бүгін, 08:50

Әдебиеттің бүгінгі бағдары сараланды

Руханият • Бүгін, 08:48

Жанармай нарығы: Баға қалыптастырудың басты тетігі

Баға • Бүгін, 08:45

Өндіріс дамуының өзегі

Өндіріс • Бүгін, 08:43

Шығыны аз, шығымы мол

Аймақтар • Бүгін, 08:40

Ғарифолла Әнес мұрасы

Ғылым • Бүгін, 08:38

Тауар мен таңба

Экономика • Бүгін, 08:35

Су қорын бақылайтын заманауи жүйе

Ғылым • Бүгін, 08:33

Электромобиль күдікті ойды сейілте ме?

Сараптама • Бүгін, 08:30

Жауапты ұрпақтың жасампаз қадамы

Жастар • Бүгін, 08:28

Ауылдың Жұлдызы

Қоғам • Бүгін, 08:23

Барлық жаңалықтар