Qazaq24.com, Tengrinews.KZ дереккөзінен алынған мәліметтерге сүйене отырып жаңалық жариялады..
БҰҰ баяндамасына сәйкес, 2026 жылдың басында әлемде қуғын-сүргін мен қақтығыстар салдарынан 118 миллион адам өз үйін тастап кетуге мәжбүр болған. Баспана іздеушілер саны 9 миллионға жуықтады, деп хабарлайды Tengrinews.kz.
БҰҰ баяндамасына сәйкес, 2026 жылдың басында әлемде қуғын-сүргін мен қақтығыстар салдарынан 118 миллион адам өз үйін тастап кетуге мәжбүр болған. Баспана іздеушілер саны 9 миллионға жуықтады, деп хабарлайды Tengrinews.kz.
БҰҰ-ның Босқындар істері жөніндегі жоғарғы комиссары басқармасының (UNHCR) баяндамасында бүкіл әлем бойынша 118 миллион адам қуғын-сүргін, қақтығыстар, зорлық-зомбылық және адам құқықтарының бұзылуы салдарынан қоныс аударуға мәжбүр болғаны айтылған. Бұл 2026 жылдың басындағы мәлімет бойынша, жер бетіндегі әрбір 70-ші тұрғын мәжбүрлі қоныс аударушы екенін білдіреді.
Сонымен қатар кейінгі онжылдықта алғаш рет қоныс аударғандар саны 5,4 миллион адамға немесе 4 пайызға азайды. Баяндамада бұл үрдістің негізгі себебі - өз еліндегі дағдарысты жағдайға қарамастан, отанына оралғандар санының артуы екені атап өтілген. БҰҰ бұған мысал ретінде Ауғанстан, Конго Демократиялық Республикасы, Судан және Сирияны келтіреді.
Мәжбүрлі қоныс аударушылардың жалпы санының 35,6 миллионы - босқындар, 68,7 миллионы - ішкі қоныс аударушылар. 2026 жылдың басындағы мәліметтер бойынша, өтініштеріне қатысты шешім күтіп жүрген баспана іздеушілер саны шамамен 645 мыңға артып, 9 миллион адамға жетті.
Статистикада 2026 жылдың алғашқы айларындағы, мысалы, АҚШ пен Израильдің Иранға қарсы соғысына байланысты миграциялық ағындар ескерілмеген. Сондай-ақ оған табиғи апаттар, климаттың өзгеру салдары немесе қаржылық қиындықтарға байланысты үйлерін тастап кеткендер қосылмаған, деп хабарлайды DW.
Қоныс аударғандардың оннан жетеуіне жуығы бес жыл немесе одан да көп уақыт бойы "босқын" мәртебесінде өмір сүріп жатыр. БҰҰ-ның Босқындар істері жөніндегі жоғарғы комиссары Бархам Салех бұл жағдайға алаңдаушылық білдірді. "Бізге соғыс пен қуғын-сүргіннен қашқан адамдарға жаңа үміт пен жаңа мүмкіндіктер беретін парадигманы өзгерту қажет", - деп келтіреді оның сөзін KNA агенттігі.
Бұған дейін Еңбек министрлігі Қазақстанда кімдер босқын мәртебесін ала алатынын түсіндірген болатын.
2025 жылдың сәуіріндегі жағдай бойынша Қазақстанда қанша босқын болғанын осы жерден оқи аласыздар.