Жердегі ең үлкен сурет туралы не білеміз?

Qazaq24.com, Egemen.KZ дереккөзінен алынған ақпаратқа сүйене отырып мәлімет бөліседі..

Кейде өнер кенепке де, қабырғаға да сыймай қалады. Сондай сәтте сурет жердің бетіне түседі. Түркияда бір күні стадиондай кең алаң тұтас бояуға малынып, алып картинаға айналған. Guinness World Records дерегінше, жерге салынған әлемдегі ең үлкен суреттің көлемі 11 965,7 шаршы метр болған. Бұл рекорд Ыстанбұл қаласында 2013 жылғы 17 мамырда тіркелді, деп жазады Egemen.kz.

Осы жұмысты Түркияның Жастар және спорт министрлігі ұйымдастырған. Ең қызығы, алып суретті салуға 300 оқушы қатысқан. Әдетте бір картинаға бір суретші жауап берсе, мұнда жүздеген бала бір мақсатқа жұмылған.

Ауқымын көзге елестету қиын емес. 11 965,7 шаршы метр дегеніміз бірнеше ірі спорт алаңына татитын кеңістік. Сол кеңістіктің әр метрі сызықпен өлшеніп, жоспармен белгіленген. Өйткені рекордтық жұмыста дәлдік аса маңызды. Өлшем қате болса, нәтиже де есепке алынбай қалады.

Сәби суретінің әсері

Суреттің өзі де кездейсоқ таңдалмаған. Guinness жазбасында композицияда әйгілі Босфор көпірі және биіктікке секіріп тұрған спортшы бейнесі болғаны айтылады. Бұл екі образдың да мәні бар. Бірі қала мен құрлықты жалғайтын көпірді көрсетеді. Екіншісі адамның биік мақсатқа ұмтылуын білдіреді.

Рекордқа керек суретті шығару үшін 2,5 тоннаға жуық бояу жұмсалған. Түстері сұр және сары болған. Бұл да өндірістік кеңістікке, порт аймағына үйлескен палитра сияқты көрінеді.

Ғалам ғажаптары: Кофемен сурет салады

Неге дәл балалар қатысты деген сұрақ туады. Ұйымдастырушылар бұл жұмысты Түркиядағы жастар мен спортқа арналған мемлекеттік мерекеге орай жасағанын көрсетеді. Демек мақсат рекордпен шектелмеген. Балаларды ортақ іске баулу, бірлікті көрсету, шығармашылыққа ынталандыру да көзделген.

Мұндай жобаның сырт көзге көрінбейтін ауыр жағы көп. Алдымен алаң дайындалады. Сызба түсіріледі. Қатысушылар топқа бөлінеді. Әр топ өз бөлігін ғана бояйды. Бір бөліктегі қате келесі бөліктің суретін бұзады. Сондықтан балалардың әрқайсысы орындаушы ғана емес, жауапты қатысушыға айналады.

Танымал суреттің тарихы: «Қара шаршы»

Бұл рекорд тағы бір ойға жетелейді. Өнер кейде жеке таланттың жемісі ретінде қабылданады. Ал мына сурет керісінше, ұжымдық еңбектің үлгісін көрсетеді. Бір баланың қолынан керемет сурет шығуы мүмкін. Бірақ 300 баланың бір мезетте бір суретке қызмет етуі бұдан да ерекше құбылыс.

Соңғы жаңалықтар