Tengrinews.KZ парақшасындағы деректерге сәйкес, Qazaq24.com ақпарат таратты..
Сарыөзек – Көктал тасжолының бір бөлігі нөсерден кейін зақымдалды, деп хабарлайды Tengri Auto.
"ҚазАвтоЖол" компаниясының мәліметінше, елеулі салдар тасжолдың 152-шақырымында тіркелген.
"Сел ағыны жол жиегі мен жер төсемінің бір бөлігін топырақ негізіне дейін шайып кеткен. Соның салдарынан жолдың оң жақ жолағының бір бөлігі опырылып, жол төсемі зақымданды", - деп атап өтті компания өкілдері.
Табиғи құбылыс салдарын жоюға ЖПБ-90 және ЖПБ-18 күштері жұмылдырылды. Жұмысқа 18 қызметкер мен 13 техника: КамАЗ-дар мен тиегіштер, фронталды тиегіштер, МТЗ тракторлары мен бульдозер тартылды.
Қазіргі уақытта жол қызметтері жолды батпақ пен тастардан тазартып жатыр. Сондай-ақ шайылған учаскені нығайтып, жолдың зақымдалған бөлігін қалпына келтіру үстінде.
Жүргізушілердің қауіпсіздігі үшін зақымдалған учаске қоршалып, уақытша жол белгілері орнатылды.
Тасжол толығымен жабылған жоқ. Көліктер сақталған жолақпен реверсивті режимде өтіп жатыр. Оқиға орнында патрульдік полиция қызметкерлері кезекшілік етеді.
Бұған дейін Алматы облысында жаңбыр салдарынан апатты жағдайдағы көпірді су шайып кеткені хабарланған болатын.
Тағы оқыңыз: Алматы маңындағы Қаскелеңнен Жібек жолына дейінгі жол толық жабылады
Google News арқылы жаңалықтарымызды қадағалаңыз
Жазылу