Qazaq24.com, Sputnik.KZ дереккөзінен алынған ақпаратқа сүйене отырып жаңалық таратты..
АСТАНА, 17 қыркүйек – Sputnik. Жетісуда жүк көліктері автоматты салмақ бақылауын айналып өтіп келген, деп хабарлады Бас прокуратура.
Жетісу облысының аумағында орналасқан "Сарыөзек – Көктал" республикалық маңызы бар автомобиль жолының учаскесінде автоматтандырылған өлшеу станциясының ауыр салмақты машиналарының айналып өту фактілері анықталды.
Айналма жол ретінде өндірістік қажеттіліктерге арналған техникалық жол пайдаланылған.
"Бас көлік прокуратурасының үйлестіруімен "ҚазАвтоЖол" филиалының арнайы техникасымен айналма жолдар бөгеттелді. Бүгінгі таңда жүк көліктерінің қозғалысы автоматтандырылған станция кешені арқылы жүзеге асырылады", - деп жазылған хабарламада.
Прокуратура, көліктік бақылау инспекциясы және әкімшілік полиция қызметкерлерінен ведомствоаралық жұмыс тобы құрылып, мобильді салмақ кешендерінің санын көбейту туралы шешім қабылданды.
"ҚазАвтоЖолмен" бірлесіп Қонаев қаласына кіре берісте автоматтандырылған жүйені орнату мәселесін пысықталып жатыр, бұл шаралар салмақ параметрлерін бақылаудың тиімділігін бірнеше есе арттырады, дейді прокурорлар.
Осы жылдың өткен кезеңінде көліктік бақылау инспекциясымен салмақ параметрлерін сақтамағаны үшін 22 мың тасымалдаушы әкімшілік жауаптылыққа тартылды, оларға 6 млрд теңге айыппұл салынды.
Сондай-ақ, автокөліктің артық салмақпен шығуына мүмкіндік беретін кәсіпорындар да назарда. Жоғарыда аталған кезеңде 363 субъект жауапкершілікке тартылды.