Egemen.KZ парақшасынан алынған ақпаратқа сүйене отырып, Qazaq24.com хабарлама жасады..
Заманауи технологиялар адам өмірінің ажырамас бөлігіне айналып, жасанды интеллект тіпті шығармашылыққа да араласа бастағаны белгілі. Алайда ЖИ жасаған туындының шынайы авторы кім – адам ба, әлде алгоритм бе?
Фото: infomyprofession.ru
Бұл сауалға Сенат кулуарында Әділет вице-министрі Ботагөз Жақселекова нақты жауап берді. Оның айтуынша, қолданыстағы заңнама бұл мәселені айқын реттейді: авторлық құқық иесі тек жеке тұлға бола алады.
«Авторлық құқықтың субъектісі – тек адам. Адамның ойы, идеясы мен шығармашылығы – кез келген туындының негізі», деді вице-министр.
Ботагөз Жақселекова атап өткендей, жасанды интеллект туындыны техникалық тұрғыда «жасап бергенімен», ол автор деп танылмайды.
«Жасанды интеллект – бұл құрал ғана. Ол берілген алгоритмді орындайды, бірақ өздігінен ойлап, жаңа нәрсе жасай алмайды. Сол себепті, туындының шынайы авторы – тапсырманы берген адам», деп түсіндірді вице-министр..